النهاردة وانا في المدرسة جاتلي بنت اعرفها بس ما كناش صحاب اووي يعني مجرد زمايل
المهم دة الحوار اللي كان بيننا
بس والله الموقف دة حصل معايا بجد
>
>
>
>
ازيك:انا
تمام .. انتي اخبارك ايه؟؟:البنت
كويسة:انا
كنت عاوزة احكيلك على حاجة كدة:البنت
قولي :انا
انا بقالي اسبوع بشوفك في حلم بيتكرر كل يوم وبقوم من النوم وانا خايفة كأني شوفت كابوس والحلم دة شوفته كتييير اوووي:البنت
ان شاء الله خير ... احكي:انا
شوفتك لابسة فستان ابيض طويييل وشعرك لونه احمر طوييييل جدا بردو بس كنت بصحى من النوم مرعوبة:البنت
طيب ودة معناه ايه انا بيتهيقلي انه حاجة كويسة ما دام فستان ابيض وكدة:انا
انا من كتر الخوف اتصلت بشيخ وسألته عن تفسير الحلم بس قاللي ان الابيض دة يعني كفن وموت وان شعرك الاحمر يعني دم ومصيبة كبيرة اووووووي :البنت
قعدت اعيط وبقيت منهارة جامد .بقيت اقولها .... انتي ازاي تفسري الحلم ... كدة الحلم هيتحقق... حرام عليكي انتي ليه حكتيلي عليه.. ليه تفسريه قدامي او عند الشيخ دة.... وفضلت اعيط جااااااااااااامد وما فدرتش امسك نفسي:انا
عموما خدي الورقة دي فيها رقم الشيخ لو عاوزة تسأليه وتتأكدي منه بنفسك :البنت
اخدت الورقة وبفتحها لقيت مكتوب....... (((اهلا بيكي مع الكاميرا الخفية تحبي نزيع ولا ما نزيعش))):انا
طبعا البنت طلعت تجري وهي هتموووت من الضحك وبقى شكلي اهبل اوووووي
هههههههههههههههههههههههههههههه
كل ما افتكر الموقف دة بحس اني على نياتي اووووي
بس صعبان عليا اني عيطت قدام البت دي وهزيت شخصيتي عشان حلم
بس بجد عرفت تخوفني وخلتني مرعوبة لدرجة اني اعيط
بنت لازينة ربنا يسامحها بقى
ايه رايكم في الموقف اللذيذ دة
قولو رأيكم وبصراحة