Sa3eD pop .....
المشاركات : 1355 العمر : 33 البلد : Egypt المزااااج : مهيس مزاجي : تاريخ التسجيل : 29/04/2008
| موضوع: انا اسف في كلمة ماقولتهاش الأربعاء مايو 07, 2008 5:58 am | |
| في حاجات ممكن تتنسي
في حاجات مابتتنسيش
برده الواحد مهما مشى
الطريق ما بينتهيش
في حاجات ممكن تتنسى بس بنفتكرها ساعات
مهما الوقت فات برده بتفضل ذكريات
عمرك حسيت انك ندمان على كلام كان لازم تقوله
أوقات شفت الحظ بعينك مقدرتش تطوله
كل اللي بيحصلنا مكتوب لنا : ده القدر
حتى لو معاك شمسيه مش هتوقف المطر
اتخلقنا من التراب وهنرجع للتراب
الموت بيفرق بين الاهل والوقت بيفرق بين الاصحاب
في ناس كان نفسي يكونوا جنبي دلوقتى
وهما دول الناس اللي ليهم رسالتي
أنا مش عارف ليه أنا كنت خايف أقول إن أنا آسف... أنا آسف
أنا آسف في كلمة
كلمة ما قلتهاش
آه لو كنت قلتها
كان اليوم ده ما جاش
جرب تسأل نفسك مرة
بطل تتهرب من نفسك مش حتبقى حرة
إلا لو جربت بنفسك
تتعرف على كل الناس
تتكلم مع ده وده
تكره ناس وتعز ناس
وناس تروح على سهوة
تعمل إيه لو كنت مكاني
أعز أصحابي بقى واحد تاني
كان نفسي أفضل جنبه
يمكن يسمع كلامي
دلوقتي ضميري بيجرى ورايا
عشان أخويا بيضيع قدامى
عشان سنين قضاها معايا
كانت أحسن أيامي
كلمة ما قلتهاش وكان نفسي أقولها له
عندي إجابات لأسئلة شاغلة باله
لو هو سامعني أنا بقول أنا غلطان
أنا آسف في كلمة
كلمة مقولتهاش
آه لو كنت قلتها
كان اليوم ده ما جاش
في حاجات ممكن تتنسى
في حاجات مابتتنسيش
برده الواحد مهما مشى
الطريق مبينتهيش
بقالنا كتير ماتكلمناش
سنين مااتقابلناش
ذكرياتنا منها اللى اتنسى
منها اللى عاش
كان نفسنا نكمل ملحقناش
ويمكن ده كان احساسى انا بس
كانت كلمه ماقولتهاش
فرصه ماخدتهاش
والنتيجه ان انا ندمان
والحقيقه ان انا انسان
مش غريب ان انا غلطان
الغلطة انى سكت
وانى عمرى ما اتكلمت
ولما جاتنى الفرصه انى اعمل حاجه استسلمت
لو كان بإيدى دلوقتى انى ارجع الوقت
كنت رجعت للوقت لما كان حبنا بجد
لكن مستحيل انى اغير الحقيقه
الموت خدك منى ومبقاش ليه حد
انا اسف فى كلمه
كلمه مقولتهاش
كلمه لو كنت قولتها
كان اليوم ده مجاش
في حاجات ممكن تتنسى
في حاجات مابتتنسيش
برده الواحد مهما مشى
الطريق مبينتهيش
أنا آسف في كلمة
كلمه مقولتهاش
كلمه لو كنت قولتها
كان اليوم ده مجاش | |
|