وقت الفرح اتنسى والقسى اهو باقى واقف بعيد يافرح والاسى على بابى .
قلت الحبيب ماعصى وفراقه كيف العصا تنزل على جسمى توجع بدون داعى.
وانتى اللى كنتى الهوى لاحساسى ما تراعى – وانا اللى قلبى انكوى وانشوى وهواكى والله جرى حتى فى نخاعى .
حسبت طب ودوى يعالجلى اوجاعى- والداء مالو دواء دا سم لافاعى .
وقلت وعدت ورجعت اقول تانى وقت الفرح اتنسى والهم بكانى .
اه واه يانى لو صبرتى سنه كان بيتى فيها اتبنى - يمكن سنين الهنا ترجعلنا تانى.
ورجعتى ليه باكيه ولغربتى شاكيه – وانتى اللى كنتى جاره ويايا فى الحاره فى البيت اللى قدامى.
لوعة فراقك مرة والغربه والله مره – وانسينى بالمره ولاعمرى انساكى .
فرحتى – شربتنى اهو الغربه والغربه زى التربه ماهيا برضه فرقه للاخره وخدانى.
وقتك معايا خلص وحبك فى قلبى اتحرث ولسانى ليكى اتخرس- حتى ركوبك فرس انسى ان انا فارس.
رجوعك ماعدش ينفع والصبر ليه اخر – وماتحسبيش دا بكى لحبك بقيت ساخر.
ولممت قلبى وعشانك طويته ورميته فى قعر بير له اول مالو اخر.
فرحتى ليه بالودع وقلتى انا حره واخترتى واحد غنى مر شهر وشهرين وجبلك الدره.
ولو صبرتى سنه على غربتى المره كنتى شبعتى سعاده ولاعمرى اجيب دره .
راح الغنى وانقتل وقلبك عليه انفطر ودموعك صبحت مطر وتقولى انا حره.
الموت دا كان له قدر والهجر ليكى انسطر والعمر بيكى انهدر وراحت القوه .
سامحينى تانى رجعت اقول تانى حبك خلاص فانى لاعادله مكان تانى لابره ولاجوه .
للغربه والله نديت والوحده ليها هديت واقلك تانى ياريت تنسينى بالمره .
من تاليف الشاعر / على
للتعليق على الشعر يرجى التواصل على الخاص
[ندعوك للتسجيل في المنتدى أو التعريف بنفسك لمعاينة هذا الرابط]