نكت والغاز تحرق الدم

ليه ابوتريكة بيلبس فانلة 22؟
عشان 21 ضيقة عليه

طب ليه مبيلبسش 23؟
عشان فلافيو بيلبس 23

طب ايه هو الحيوان التعيس القطة؟
عشان ديما تخربش ومتكسبش

طب ايه الحيوان اللي بياكل ويشرب بديله؟
كل الحيوانات بتاكل وتشرب بدلها عمرك شفت حيوان ساب ديله وراح ياكل

طب ايه اقدم حيوان؟
الحمار الوحشي .. عشان ابيض واسود

طب ايه هو اجدد حيوان؟
القنفد عشان لسه بشوكه والكنغر علشان بكيسه

طب ليه التلاجة غبية؟
عشان بتحفظ الاكل .. مبتفهموش

ماهي قمة الحيرة؟
يقال لك اجلس في ركن غرفة مستديرة

ماهو قمة الذكاء؟
ان تجد ركن للغرفة

ماهو قمة الالم؟
التزحلق على زحلاقة مغطاة بشفرات حلاقة وشظايا الزجاج

ماهي قمة العذاب؟
السقوط بعد ذلك في حوض به كولونيا

ليه الهرم فيه حتة حديد من فوق؟
عشان يتشال منها وينضفوا تحتيه

ايه الشبه بين الجورنال والشمس؟
الاتنين بيطلعوا الصبح

ايه الشبه بين التفاح والكمثرى؟
الاتنين مش جوافة

ايه الفرق بين الصحراء وايام الاسبوع وموس لورد؟
الصحراء مفيهاش حد / ايام الاسبوع فيها حد / موس لورد فيه حدين

واحد وقع من الدور التاسع لقى ايه؟
لقى مصرعه

ليه نابليون كان بيقعد قدام التلاجة؟
عشان يطمن علي حملة فريزر

ايه هي قمة الادب؟
انك تخبط على التلاجة قبل متفتحها

ايه هي قمة الصبر؟
انك تستنى حد يفتحلك

ايه هي قمة الدهشة؟
حد يفتحلك فعلا

إيه وجه الشبه بين الحلاق وجورباتشوف؟
الإتنين بيتعاملوا مع الروس

إيه وجه الشبه بين القمر وصينية البطاطس؟
الإتنين ميتعملوش عصير مانجو

إيه العلاقة بين الكمبيوتر والحفرة ؟
الكمبيوتر حاسب آلى أما الحفرة حاسب لتقع

ليه الأرجنتين مش بيزرعوا تين؟
لأنها دولة لا....تينية

إية الفرق بين الزيتون والليمون؟
التانى بيتعمل لاموناته والأول ما بيتعملش زاتوناتة

واحد بيحدف زلطة على بيت ازاز والبيت محصلوش حاجة ليه؟
عشان الزلطة مجتش فيه

طب كتكوت بيعدي الشارع و فجأة مات .. ليه؟
الزلطة جت فيه

حاجه طايره فى السما وبتقول نياو ايه هى؟
قطه بيضاء مضروبه بالشلوت

طب حاجه سوده طايره فى السما وبتقول نياو ايه هى؟
غراب بيستهبل

طب حاجه بنى طايره فى السما وما بتقولش حاجه ايه هى؟
فرده جزمة الراجل الى ضرب القطه البيضاء

طب حاجه سوده طايره فى السما وما بتقولش حاجه ايه هى؟
غراب عاقل وما بيحبش يستهبل

حاجه زرقاء طايره فى السما ايه هى؟
ذبابه لابسه بنطلون جينز

حاجه سوده وفيها خط احمر وطايره فى السما من الشرق للغرب ايه هى؟
ذبابه لابسه فستان سواريه وحاطه روج ورايحه فرح واحده صاحبتها

حاجه سوده وفيها خط احمر وطايره فى السما من الغرب للشرق ايه هى؟؟؟
نفس الذبابه نسيت حاجه فى البيت رجعت تجيبها

حاجه سوده ماشيه فى الصحراء ايه هى؟
سرب نمل رايح يعزى

نقطه سوده على الحيطه ايه هى؟
دبانة

طب نقطتين سود على الحيطه تبقى ايه؟
فيشه

طب 3 نقط سود على الحيطه تبقى ايه؟
دبانة وفيشه

طب 73 نقطه سوده على الحيطه تبقى ايه؟
يبقى بياض البيت بيقشر

حاجه رفيعه وطويله ولونها ابيض ايه هى؟
فتله بيضاء

حاجه رفيعه وطويله ولونها اسود ايه هى ؟
خيال الفتله البيضاء


ههههههه قولو رأيكم

هههههههههههههههههههههههههههههههههههههههههههههههه
حرررررررررراااااااااااااااااااااااااااااااااااااااام
انا كان هايحصلي حاجة مش لاطيفة و انا بقرأ النكت دي


بس موضوه هايل بصراحة
تسم ايدك

هههههههههههههه
هو فعلا يموت من الضحك بعد الشر عنك طبعا
وميرسي على ردك اللي نور الموضوع
بس يا ترى ايه الحاجة اللي مش لطيفة اللي كانت هتحصلك ؟؟؟

هههههههههههههههههههههههههه
بلاش احسن
خليها سكتم بكتم

كدة بردو هتخبي عليا

[b]ماتضحك ماتبكي