yacine
المشاركات : 104 العمر : 35 البلد : الجزائر مزاجي : تاريخ التسجيل : 13/08/2010
| موضوع: قصيدة رمضان 2010 السبت سبتمبر 04, 2010 10:26 am | |
| بسم الله بديت نقول والصلاة علي الرسول
يشفع فينا يوم الهول انا ونتوما كاملين
ياسايل افهم معنايا واش راح نقولك هنايا
واعطيلي رايك نتايا في الكلمات الجايين
يحفضك ياسي بوكريشة فتحتنا هذالدردشة
للحياة مع لمعيشة علينا راهم واعرين
راني داخل في الموضوع نحكيلكم علي المطلوع
واش دارت هذا الاسبوع الغاشي فيها عاشقين
وانا ماشي لذاك السوق نتلاقي ثم بالزوق
من الدلاع وجهو محروق الرباعي حولو باسطين
الكسبر والمعدنوس يتابعو مع عرق السوس
حتي الكرافس والكرموس عند الوردي كاينين
درت دورة عند الخضار نلقي لبصل مع لخيار
صاريا عليهم لاباقار كي الاكراد اللاجئين
واللحوم طلعت في السومة والدعوة كامل مسمومة
الجزار عندي في الحومة الغاشي قبالو قاعدين
بالفوضي دارو عصابة مضاربين علي ليزابا
تحسبهم عاشو في غابة والله ماكم سالكين
حتي في قفة رمضان يعطوها لفلان وفلان
والفقارا في لشان عند لاميري بايتين
دارو فوضي عند المير والقفة لمن تطير
ياربي تجعل الخير فليام الجايين
والامي امي متخلف ايحوس غير باه يعلف
اسمحلي راني متاسف حاشة الناس القانعين
حتي من اهل الثقافة تلقاهم ثاني خوافة
عايشين عصر الخرافة باش يهدرو خايفين
ثقافتهم في البطون يبغو الجفنة والبويون
راك تعرفهم يا دانون علي الهبرة متنافسين
لو يتبدل التاريخ ويرميني نحو المريخ
نزرعو كامل بطيخ لهذا الشعب المسكين
[code]م | |
|