يا ديوان الصالحين......يا ديوان الصالحين
يا ديوان الصالحين......علي ربي والوالدين
اسمعوا يا اهل الدوار.....السي لقرع راهو دار
واضرب دورة حول السبيطار......لما كنت راقدين
عند الباب صاب الفوضي......والهارج بين المرضي
والفراملا حاطين مخدة.....داخل الصالة راقدين
ومنين دخل ليزيرجونس....تقولي فيلم اندينا جونس
هذا مقطعة رجلو نص....وهذا عينيه خارجين
وهذا طايح الرض مغاشي....مسكين يحلل في الغاشي
يا ناس شوفو حبة كاشي....داووني يالمومنين
قالو ماكاش الدوي....عندك لاتنشر العدوية
روح عاود ولي غدوة....الاطباءراهم غايبين
وحتي الطبيب باه يسويفي....راه ولا يهرب يسكيفي
يروخ يخدم عند لبريفي....والمرضي متطايشين
والدوي غير بالمعرفة....ولا ماكاش تشيبا خفيفة
ترمي عليه امصريفا....يروح يجيبهالك فالحين
وهذا مكسر من رجليه....يجرو فيه منا للهيه
حتي لبلاط هو يشريه....من عند الصيدليين
وهاذي باش تولد تشفي.....قالولها غير روحي تشوفي
بريفي يديلك ليكو كرافي.....عندنا راهم حابسين
وكي تدخل لما تير نيتي.....تقسم تقولي سو سييتي
كل وحدة مطايشة في كوتي......والناس فوقها عا فسين
اولمخيرتلقاه زايد.........باليدين كي لعوايد
اما الباقي اكل حدايد......ولابالسيزاريين
والي ساكنين في السبيطار...تقولي الحبس ياسطار
يكونو يوزنو قنطار .......يخرجو مشيانين
ماكثر الهجنة والدمار......او لفراغ طول النهار
والزغلي يغلي في النار....لابنة لا فيطامين
ياديوان الصالحين.....علي ربي والوالدين
ارجو ان تعجبكم [/center][/list][/b]